Thursday, December 9, 2010

الأنجاز فى حياة المرأه الأم - أصلاح علاقتنا مع الله


يا بنات فاكرين اول نقطه؟ فاكرين موضوع الأحتساب هل ظبطناه كلنا؟

لو لسه فى ناس ناسياه اقولهم اكتبوه على ورقه وعلقوه فى مكان ظاهر قدامكم علشان طول يومك تفتكرى تحتسبى و تستشعرى الأجر و الثواب ان شاء الله و ده اكيد هيرفع معنوياتك كتير و يحسسك بالأنجاز و يديكى طاقه روحانيه عاليه تخلى عندك أطمئنان داخلى و هدوء نفسى

أصلاح علاقتنا مع ربنا سبحانه و تعالى علشان كل بنى ادم مننا محتاج للجانب الروحى ده فى حياته
اقرى قرأن كل يوم خلى ليكى ورد و لو ربع حزب او حتى عشر ايات او اقل المهم واظبى عليهم
ممكن كمان الأستغفار و التهليل و التكبير اثناء القيام بأى اعمال 
سماع القرأن و البرامج الدينيه المفيده اثناء قيامك بالعمال المنزليه المختلفه 
و الأحلى و الأجمل قيام ليل بركعتين قبل الفجر بنصف ساعه لوحدك مع ربنا و الناس كلهم نايمين

أصلاح علاقتنا مع الله سبحانه و تعالى جزء اساسى من احساسنا بالأنجاز و عدم التقصير


يللا نضيفها كلنا لجدولنا اليومى و لما نعملها نحط قدمها صح و لو معملنهاش نحط غلط او نديها درجات من واحد لأربعه مثلا كل يوم

و لو لسه معملناش جدول يبقى يللا بسرعه نعمله
خلى عندك بلوك نوت بتاعتك تعملى فيها جدول فيه الأعمال و الأيام و كل يوم تعلمى على اللى عملتيه فيه و تحسبى درجاتك

الموضوع ده بيساعدك على التركيز على اهدافك و اولوياتك كل يوم و مش بيخليكى تنسى تعملى الأهم اللى بيضيع فى زحمه اليوم و مشاغله 
فابلتالى و انتى جايه تنامى بتلاقيكى معلمه صح على الحاجات اللى كنتى مخططه تعمليها و نفسيتك تبقى تمام و تحسى انك عملتى اللى عليكى و أنجزتى



No comments: